PAPYRACEAE Naves

PAPYRACEAE Naves

quibus ex papyro textis in Nilo utebantur, occurrunt apud Plin. l. 13. c. 11. Ex ipso quidem papyro navigia texunt: at e libro vela tegetesque, nec non et vestem, etiam stragula et funes.

Et Theophrastum, ubi de papyro, Καὶ γὰρ πλοῖα ποιοῦςιν ἐζ αὐτοῦ. Etenim navigia ex eo conficiunt. Cuiusmodi navigia Strabo διαπλόκινα appellar, in Aegypti rebus: Διέβημεν δὲ εἰς τὴν νῆσον ἐπὶ πακτὢνος᾿ ὁ δὲ παπτὼν, διὰ σκυταλίδων πεπηγός ἐςτι σκαφίον, ὥςτε ὅμοιον εἶιαι διαπλοκίνῳ. Cum his ad extremos Indos navigare olim Aegyptios consuevisse, quod Plin. tradit, mirum omnino, imo neutiquam credibile. De armamentis vero Nili, h. e. funibus, id minus mirum. Nam Aegypti ac Syriae Reges diu non aliis usi sunt funibus in renavali, quam ex libro papyri textis, nondum spartô communicatô: quod idem Pliniustestatur, Papyraceis navibus armamentisque Nili, ubi armamenta sunt funes, ut ὅπλα τῆς νεὼς σχοινία Graece. At papyraceae naves ex ipso papyro texebantur etc. Praeter istiusmodi autem navigia, scaphis etiam testaceis in Nilo fuisse Aegyptios usos, Iuvenal. testatur Sat. 15. v. 127.

Parvula fictilibus solitum dare vela phaselis,

Et brevibus pictae remis incumbere testae.

Vide Salmas. ad Solin. p. 1115. et 1116.